📿 “!! कृष्ण कृपा !!” 📿

• पवनेश
• 10/03/2025
• अन्य
• काव्य
• 0 Comments

भक्त की सौं सौं स्याम पुकारे, सुनि हरि दौरे नंगे पग आए,

सुधि न रही निज धाम सुहावन, ब्रजरज मा बैकुंठ समाय।

राज सभा जब क्रोध में आई, राजन बोले वचन कठोरे

झूठ पुजारी कहि दंड सुनायो, भय से तन में सिहरन होरे॥

निशि दिन पूजा भक्ति बढ़ाई, तेरी माया में मन भरमायो,

सत्य बचन जब बोले कान्हा, भगति प्रताप जग में छायो।

श्रद्धा-रस में लीन अचेतन, गिरा पुजारी धरणि के ऊपर,

नयन निहारत प्रेम की धारा, दृग में आँसू, हृदय में कम्पर॥

राजा कह्यौ, मैं देखौं कान्हा, कर श्रृंगार करें का सजीवन,

सत्य-असत्य को जानि करौं मैं, बाल जो टूटे, मुख से सीवन।

उठी विभूति नीलम मुखारविं, स्यामा गिरा करुणा में घोरी,

राजा छुआ जब बाल मनोहर, झर्यो रक्त की धार निहोरी॥

देखत ही सब भय से काँपे, चरणन में गिरि राजा रोयो,

मूर्तिन कह्यौ अब सत्य सुनीजो, संशय मति में कबहुँ न होयो।

भक्ति बिना यह देह निरर्थक, प्राण सजीव भजन में आओ,

माटी के तन में प्राण समायो, सत्य को छोड़ न मोह बढ़ाओ॥

बाल रंगे न, नयन भी छलके, अब तो जान्यौ पुजारी साचो,

हरि की लीला अचरज भारी, प्रेम बिना नर देह है काँचो।

भक्ति पताका फहरत देखी, संशय राजा हृदय पछतायो,

शीश झुके दीनवत गिर्यो, चरण पकड़ि श्याम को ध्यायो॥

हरि कहाेँ मूरति मात्र रहौं अब, तेरे नयनन कछु न सुहायो,

श्रद्धा रहत न अबहि हृदैं में, प्रेम रहित बस चित्र दिखायो।

भक्ति अनंत पुजारी रह्यो है, भक्ति प्रभाव अनोखा भारी,

जो मन राखे प्रेम सुदृढ़ कर, करै हरि सेवा हरि अधिकारी॥

श्याम कृपा जब भक्तन होती, माया के बंधन टूटि जाय,

भक्तन के कारन काज सुधारे, ता निज देह में श्याम समाय।

सत्य सनातन प्रेम की धारा, अटल रही अनंत अनोखी,

जिनके मन में स्याम समाहित, उनके हित श्री वृंदा देखी॥

जो हरि कह्यौ प्रेम रस राखै, तोहि सों मैं नित्य जुड़ायो,

पूजन के तन में मोरी छाया, जो निज हाथें माल पहनायो।

निस दिन होय बंदन तुम्हरो, प्रेम बिना मन रीता जाए,

जो मन मोहन प्रेम से नाचे, निज मन प्रभु चरणन ठहराए॥

सरल रहो तुम कान्हा मय में, प्रीत रखियो दृढ़तम भारी,

जो जो नाम रटै हरि मोहन, सोई सोई धन्य जगत संसारी।

मंदिर में नित श्याम रस बरसे, भाव से जो ध्यान लगायो,

राजा जान्यो प्रेम प्रभाव, जा निज कारज पुन: हरि ध्यायो॥

अब तो कान्हा भक्ति पिआसी, सत्य रहे विश्वास सिधारी,

माया जगत में भाव भरि भर, भगति ही हरि धाम उबारी।

जो भी करै निष्काम भगति जू, ता पर कृपा सदा सहारी, 

श्याम सदा भक्तन संग खेले, श्री राधा गोपीनाथ बिहारी॥