🦚 “!! राधा कृष्ण की हँसी ठिठौली !!” 🦚

• पवनेश
• 26/08/2024
• काव्य
• हिंदी कविता
• 0 Comments

कान्हा जू खेलें जो फाग प्रिया जू संग, अंग अंग है रंग डर्यो।

धन्य भई वृन्दावन की गलियां, हँसि ठिठोली करि रहो प्यार्यो।।

राधा लाजवत, लाल गुलाल सी, श्याम सँग होरी खेलन हार्यो।

प्रेम की फुलवारी, ब्रज में सजी न्यारी, ठठन सो खेल हो गयो न्यारयों॥

ठठन सो खेल हो न्यारयों – ३

कान्हा जू खेलें जो फाग प्रिया जू संग, अंग अंग है रंग डर्यो।

प्रेम की फुलवारी, ब्रज में सजी न्यारी, ठठन सो खेल हो गयो न्यारयों॥

०१) मोर मुकुट बंशीधर नटवर, लाल जशोदा को मन हर्षाओ।

राधा रानी संग करि ठिठोली, नेह की नीक बौछार बरसार्यो।

हँसत- खेलत, देखत – सेवत, ब्रजराज रच्यौ मस्ती भर्यो।

गोपिके ग्वाल श्याम मगन सब, प्रेम सुधा रस डूबत तार्यो॥

प्रेम सुधा रस डूबत तार्यो – ३,

कान्हा जू खेलें जो फाग प्रिया जू संग, अंग अंग है रंग डर्यो।

प्रेम की फुलवारी, ब्रज में सजी न्यारी, ठठन सो खेल हो गयो न्यारयों॥

०२) राधा के घनश्याम, ब्रज के हृदय श्याम, प्रेम सिखावत धूम मचार्यों।

हँसी ठिठोली, ठुमक के नाच्यो, देखत गोपिन की लीला सुखार्यों।

रसिया बनि बनि करि ठिठोली, प्रेम में रंग्यो धरा-नभ सारयो।

नेह को सिंधु उफन्यो चहुं दिशु, ब्रज मां उत्सव साैं रच डार्यो॥

ब्रज मां उत्सव साैं रच डार्यो – ३

कान्हा जू खेलें जो फाग प्रिया जू संग, अंग अंग है रंग डर्यो।

प्रेम की फुलवारी, ब्रज में सजी न्यारी, ठठन सो खेल हो गयो न्यारयों॥

०३) राधा किशोरी जू, मोहन जोरी जू, रास रचावत धूम मचार्यों।

हँसि हँसि करि ठिठोली प्यारी सूं, मुख मुस्कावत रास बसारयो।

प्रेम की रस डोर, रस में सराबोर, वृन्दावन गलियन रंग घुलारयो।

नन्द के पूत की श्यामा चितौरी सो, गोपन ग्वालन हर्ष मनारयो॥

गोपन ग्वालन हर्ष मनारयो – ३,

कान्हा जू खेलें जो फाग प्रिया जू संग, अंग अंग है रंग डर्यो।

प्रेम की फुलवारी, ब्रज में सजी न्यारी, ठठन सो खेल हो गयो न्यारयों॥

०४) कृष्णा ने राधा संग, राधा ने कान्हा संग, रास ठिठोली जों बर डार्यो।

रंग गुलाल उड़ायो सबहीं ओर, हंसी ठिठौली सो जग रंग डार्यो।।

फूलन केलिन क्वारिन साज तें, ब्रज गलियन यों हुलस उच्चार्यो। 

अधरन तें बंसी लख शोभत, कीरत लाली सो राग संवारयों।।

कीरत लाली सो राग संवारयों – ३,

कान्हा जू खेलें जो फाग प्रिया जू संग, अंग अंग है रंग डर्यो।

प्रेम की फुलवारी, ब्रज में सजी न्यारी, ठठन सो खेल हो गयो न्यारयों॥